منحة دولة السويد لدراسة الماجستير (مدفوعة المصاريف والتكاليف)

دولة السويد عاملة منحة مجانية لدراسة الماجستير فى تخصصات كثيرة جداً, وميعاد التقديم فى المنحة دى ابتدى من يوم 16 أكتوبر وآخر ميعاد هيكون يوم 15 يناير 2018 , يعنى لسه فاضل شهرين تقريباً, بس أنا حبيت أقول عليها دلوقتى عشان الكل يقدر يحضر نفسه وأوراقه وظروفه للتقديم,

وياريت الموضوع ده يكون موضح طريقة التقديم بطريقة مرتبة وسهلة وبسيطة للكل عشان محدش يتلخبط بس ..

1- أول حاجة هتعملها إنك هتروح على اللينك ده https://www.universityadmissions.se/intl/start
هتعمل أكاونت الأول فى الصفحة, وبعدين هتلاقى فيها لستة برامج ماجستير متاحة كتير جداً وفى جامعات كتيرة جداً وتخصصات كتيرة جداً (أكتر من 550 برنامج), هتختار البرنامج المناسب لك. (متاح ليك إنك تختار 4 برامج كحد أقصى) .. وطبعاً آخر ميعاد للتقديم على البرامج المتاحة هو 15 يناير 2018 .

2- بعد كده هيتبعتلك إيميل بيقولولك فيه إن الأبليكيشن بتاعتك وصلت ,, وأهم حاجة فى الموضوع إنك هتلاقى فى الإيميل حاجة اسمها Your personal application number ,, الرقم ده مكون من 7 أرقام ... خليه معاك ومتضيعوش .

- كده انت هتكون تقريباً خلصت أول خطوة وهى التقديم على برنامج الماجستير اللى عايزه, بس أهم جزء هيكون ناقصك بالنسبالهم هو دفع مصاريف التقديم, وهى 900 كرون سويدى (تقريباً 100 يورو) .. وعلى فكرة المبلغ ده غير مُسترد, وآخر ميعاد لدفعه يوم 1 فبراير 2018 ,, وإلا كده هيكون الأبليكيشن اللى عملته ولا له أى لازمة!!
الميعاد ده كمان هو آخر ميعاد لتقديم الأوراق المطلوبة منك ضمن الأبليكيشن ,, وهى:
- A completed motivation letter
- A CV
- Two valid and completed letters of reference
- Valid and completed proof of work and leadership experience
- A copy of your valid passport

3- بعد ماتخلص النقطتين اللى فاتوا بنجاح , هتروح على اللينك ده , وبرضه هتعمل أكاونتhttps://applications.si.se/Home
اللينك ده هتفتحه يوم 2 فبراير 2018 , هيكون متاح فيه انك تقدم على المنحة بقى!! وكمان تبعتلهم الورق المطلوب منك أونلاين ... وميعاد التقديم من 2-9 فبراير 2018 ( بعد ماتكون مجهز كل حاجة ودافع طبعاً